As facultades de Bioloxía e Historia organizan un vídeoforum sobre creador da Misión Biolóxica de Galicia o xoves 10.

Homenaxe ao pai do agro moderno galego.

Accións e depresións de don Cruz Gallástegui, o creador da Misión Biolóxica de Galicia é o título do vídeoforum que organizan este xoves 10 de marzo a Facultade de Bioloxía e Historia co gallo do cincuenta aniversario da morte do biólogo guipuscoano afincado en Galicia. A actividade ten lugar a partir das 12:30 horas no Salón de Graos Severo Ochoa e está dirixida á comunidade universitaria e o público interesado.

O acto consistirá na proxección dun documental biográfico do creador da Misión Biolóxica de Galicia, presentado polo guionista José Antonio Durán, que é o autor desta reportaxe que narra a labor do biólogo.

Cruz Gallástegui foi, xunto a Miguel Odriozola, un dos principais precursores dos estudos botánicos e agrícolas en Galicia. Durante o seu traballo na Misión Biolóxica, Gallástegui destacou como xenetista, protagonizando unha verdadeira revolución no mundo da bioloxía aplicada á agricultura, especialmente no cultivo do millo e no engorde do gando.

A proxección do documental comezará ás 12:30 horas e, posteriormente, abrirase un coloquio sobre a figura do biólogo.

A Misión Biolóxica é un centro del Consello Superior de Investigacións Científicas (CSIC), situado na provincia de Pontevedra, que se ocupa dos principais cultivos de Galicia, abarcando diversos aspectos de conservación e caracterización de recursos fitoxenéticos, mellora e xenética.

Fonte: http://xornal.usc.es