O Salón de Actos da Facultade de Ciencias acollerá mañá xoves, 24 de novembro, ás 12.00 horas unha conferencia do doutor Pablo Ramil-Rego, do Instituto de Biodiversidade Agraria e Desenvolvemento Rural (IBADER), da Universidade de Santiago de Compostela, sobre Os Bosques: Evolución histórica e situación actual en Galicia.

Pablo Ramil Rego é natural de Vilalba (Lugo), licenciado e doutor en Bioloxía e profesor titular de Botánica na Universidade de Santiago de Compostela, Campus de Lugo, así como investigador adscrito ao Instituto de Biodiversidade Agraria e Desenvolvemento Rural (IBADER). Dende hai máis de 20 anos realiza a súa investigación en dúas grandes liñas: Paleoecoloxía e Biodiversidade. Nestas liñas dirixiu cinco teses doutorais, sendo autor de máis de cen artigos en revistas científicas, numerosos libros e artigos de divulgación. Foi durante 7 anos director do IBADER. Na actualidade é membro do Comité Científico e do Comité Español do programa español Home e Boiosfera da UNESCO, así como do Observatorio Galego da Biodiversidade e do Consello Galego de Medio Ambiente. Dende xuño do ano 2010 ocupa o cargo de Vicerreitor de Investigación e Innovación do Campus de Lugo de la Universidade de Santiago.

Na súa charla presentará unha sinopse da evolución e dinámica dos bosques en Galicia dende a antigüidade ata o momento actual, relacionándoa cos cambios naturais e coas perturbacións históricas que determinaron a súa configuración bioxeográfica e biocenótica. Finalmente, analizará o estado de conservación dos bosques galegos no contexto da protección da biodiversidade da Unión Europea.

Fonte: http://udc.es