A Oficina de Programas Internacionais de I+D+i (OPIDi) está a organizar o “Seminario sobre Dereitos de Propiedade Intelectual no VII Programa Cadro” que terá lugar o vindeiro 26 de maio de 2008 no edificio do CIS D&T en Ferrol (Galicia).

Esta evento ten como obxectivo facilitar ás entidades galegas os coñecementos necesarios sobre os aspectos xurídicos dos proxectos do VII Programa Cadro. O seminario será impartido por Lucía Sirera, Senior Legal Advisor de IPR Helpdesk e tratará o marco legal dos proxectos de I+D, o réxime xurídico dos dereitos de propiedade intelectual no FP7 e o acordo de consorcio.

Este seminario está dirixido a entidades que participan en proxectos europeos de I+D ou que teñen pensado presentar algunha proposta ao VII Programa Cadro da UE (Centros Tecnolóxicos, OPIs, OTRIs, empresas, etc.).

O prazo de inscrición permanecerá aberto até o xoves 22 de maio (aforo limitado).

Para máis información: promocion@opidi.org