Oficina CEER
 27-12-2017
ABERTA A CONVOCATORIA DE MOBILIDADE POR CONVENIO BILATERAL PARA A REALIZACIÓN DE ESTUDOS EN UNIVERSIDADES DE PAÍSES EXTRACOMUNITARIOS

Facilitará realización de estudos en universidades de países de América latina, Estados Unidos, Canadá, Australia, Rusia, Xapón, República Popular de China, Corea do Sur ou Taiwán.

A convocatoria de mobilidade por convenio bilateral para o próximo curso 2018-2019 permanecerá aberta ata o 14 de febreiro, tanto para alumnado de grao como de máster. A convocatoria está dirixida á realización de estudos en diversos universidades de países extracomunitarios, nomeadamente países de América latina, Estados Unidos, Canadá, Australia, Rusia, Xapón, República Popular de China, Corea do Sur ou Taiwán e coas que a USC ten formalizado un convenio de intercambio bilateral de estudantes. Esta convocatoria será única tanto para o alumnado que vai solicitar a realización de estudos durante o primeiro ou no segundo semestre, así como curso completo.

A mobilidade poderá solicitala estudantado matriculado este curso na mesma titulación para a que solicita o intercambio e que deberá corresponderse a estudos conducentes a obtención dun título de grao ou máster acreditando unha nota media mínima de 6.

A comezos do mes de febreiro, a Vicerreitoría de Internacionalización organizará unha serie de charlas informativas en diversos centros dos campus de Santiago e Lugo. Ademais, as persoas interesadas poderán realizar as súas consultas no correo electrónico bilateral.exchange@usc.es ou consultar a información dispoñible na web da convocatoria.

Fonte: xornal.usc.es