A Fundación CEER reuníu ao seu Padroado o día 29 de maio, exercendo como anfitrioa a Universidade de Santiago de Compostela (USC).
O Padroado da Fundación CEER (FCEER) reuníuse o mércores 29 de maio, ás 12:00h (hora galega), no Salón Reitoral da Reitoría da USC, sita no Colexio San Xerome, na Praza do Obradoiro en Santiago de Compostela. O Padroado da FCEER está presidido actualmente polo Excelentísimo Señor Reitor da Universidade do Porto, Prof. Dr. António Sousa Pereira.
Asistiron a esta reunión, nomeadamente os seguintes membros:
O Excelentísimo Sr. Reitor da Universidade de A Coruña (UDC), Prof. Dr. Ricardo Cao.
O Excelentísimo Sr. Reitor da Universidade de Vigo (UVIGO), Prof. Dr. Manuel Reigosa.
O Excelentísimo Sr. Reitor da Universidade de Santiago de Compostela (USC), Prof. Dr. António López (exercendo ademáis como anfitrión da reunión).
O Sr. Vicerreitor da Universidade do Minho, Prof. Dr. Eugénio Campos Ferreira (representante delegado da UMINHO).
O Sr. Vicerreitor da Universidade de Trás-os-Montes e Alto Douro, Prof. Dr. Leite Ramos (representante delegado da UTAD).
A Sra. Vicerreitora da Universidade do Porto, Profa. Dra. Fátima Vieira (representante delegada da UPORTO).
O Director da Fundación CEER (FCEER), Prof. Dr. Ángel Miramontes.
A Secretaria Xeral da FCEER, Profa. Dra. Ana Paula Marques.
Neste encontro tratáronse asuntos como a aprobación da Acta da anterior reunión do Padroado e a dirección da FCEER informou dos avances e novas desde a última xuntanza do Padroado; así mesmo presentáronse o “Balance de contas e resultados do 2023” e o orzamento previsto para o ano 2024.
A reunión resultou un éxito, confirmando o grande ambiente de traballo e colaboración que existe na Rede de Universidades públicas da Eurorrexión.